"Bu il Azərbaycanda 2 toxumtəmizləmə zavodunun istifadəyə verilməsi planlaşdırılır".
Bunu Kənd Təsərrüfatı Nazirliyi yanında Kənd Təsərrüfatı Layihələri və Kreditlərinin İdarə Edilməsi üzrə Dövlət Xidmətinin rəisi Mirzə Əliyev deyib.
Onun sözlərinə görə, zavodlarındakı işlərin 60-70%-i artıq görülüb.
"Həmin zavodlardan biri Xaçmazda, digəri isə Şəkidə yerləşir. Beynəlxalq təcrübə əsasında qurulan həmin zavodlar toxumçuluğun inkişafına müsbət təsir edəcək. Dövlət büdcəsindən daha 3 zavodun tikintisi üçün vəsait ayrılıb", - deyə M.Əliyev qeyd edib.
Bundan başqa, nazirlik təsmsinin sözlərinə görə, ölkədə tərəvəz toxumlarının istehsalı və emalı üçün də zavod tikilir: "Bu zavodun da ilin sonuna qədər istifadəyə verilməsi nəzərdə tutulub".