USD1,7000
EUR1,8634
GBP2,1133
RUB0,0208

Tütün məhsullarının qiymətlərinin qalxması xəbəri təsdiqini tapdı

03.01.2019 İqtisadiyyat
0 0
“Artıq bir neçə gündür mağazaya siqaret istehsal edən firmalar heç bir məhsul gətirmir”

Son günlər siqaretin qiymətinin qalxması ilə bağlı müəyyən söz-söhbətlər dolaşır.

"Kommersant.az" bildirir ki, bu barədə Sputnik Azərbaycan-ın əməkdaşı bütün bunlara aydınlıq gətirmək üçün metronun "Elmlər Akademiyası" stansiyasının qarşısında yerləşən bir neçə köşk və mağazada müşahidə aparıb.

Metronun qarşısında yerləşən bir neçə mağazanın satıcısı hələ ki, yeni ildə onlara istehsalçı şirkətlər tərəfindən tütün məhsullarının gətirilmədiyini bildirib: "Hələ ki, ötən ildən aldığımız siqaretləri satırıq. Artıq bir neçə gündür mağazaya siqaret istehsal edən firmalar heç bir məhsul gətirmir. Gömrükdə işləyən tanışlarımız deyir ki, aksiz vergisi qalxıb. Yəqin ki, ona görə qiymətlər də artacaq".

Mağazalardan fərqli olaraq köşklərdə artıq qiymət artımı özünü göstərib. Satıcıların sözlərinə görə, 1.20-2.00 manat olan siqaretlərin qiymətində 10, 2.00 manatdan yuxarı olan siqaretlərin qiymətlərində isə 20 qəpik artım olub.

Əmək haqqının hesablanması üçün kalkulyator (2019)-YENİ
Əldə etdiyimiz məlumata görə, yeni ilin ilk günündən etibarən bütün siqaretlərin qiyməti qalxıb. Məsələn, 2.70 manata olan "Kent" hazırda 2.90 manata satılır. Lakin daha ucuz məhsulların qiymətlərində hələ ki, artım olmayıb. Məsələn, qiyməti 1.20 manat və bundan da aşağı olan məhsullar bahalaşmayıb.

Yerli istehsalçıların qiymətlərində artımın olub-olmamasını da öyrənməyə çalışdıq. Naxçıvanda yerləşən və yerli tütün məhsullarının istehsalı ilə məşğul olan "CAHAN TOBACCO" Məhdud Məsuliyyətli Cəmiyyət (MMC) ilə əlaqə saxladıq. MMC-dən verilən məlumatda qeyd olundu ki, tütün məhsullarının qiymətlərinin qalxması ilə bağlı şirkət tərəfindən hər hansı qərar verilməyib.

"Ötən ilki qiymət siyasəti hələ də saxlanılır. Bu gündən işə çıxmışıq. Hələ ki, qiymətlər stabildir. Lakin qiymətlərlə bağlı şirkət tərəfindən hansısa qərarın verilib-verilməyəcəyi haqda konkret məlumat verə bilmərik" – deyə "CAHAN TOBACCO"dan bildirildi.

Yerli siqaret məhsullarının istehsalı və ixracı ilə məşğul olan "EUROPEAN TOBACCO-BAKU" Açıq Səhmdar Cəmiyyətindən də bildirildi ki, onların məhsullarında heç bir qiymət artımı olmayıb.

Qeyd edək ki, tütün və tütün məhsullarının qiyməti dövlət tərəfindən tənzimlənmir.

  • Əvvəlki

    Azərbaycanda 2018-ci ildə ən çox ziyarət olunan rəsmi saytların reytinqi

Digər xəbərlər

18.03.2024 İqtisadiyyat
İraq neft ixracını azaldacaq
0 0
18.03.2024 İqtisadiyyat
Morgan Stanley-dən neft proqnozu
0 0