Azərbaycanda 26042 kq kartof məhv edilib
16.11.2018
İqtisadiyyat
0
2
AR Gömrük Məcəlləsinin 331-ci maddəsinə əsasən tərkibində gövdə nematodu aşkarlanmış kartof məhv edilib.
“Kommersant.az” xəbər verir ki, Sumqayıt Təmizlik Departamentinin tullantıların zərərsizləşdirilməsi poliqonunda noyabrın 8-dən gömrük orqanları tərəfindən gömrük nəzarəti altında saxlanılan və Qida Təhlükəsizliyi Agentliyinin (QTA) laborator müayinələr nəticəsində tərkibində gövdə nematodu aşkarlanmış 26042 kq kartof mal sahibinin müraciəti əsasında, AR Gömrük Məcəlləsinin 331-ci maddəsinə əsasən məhv edilib.
Dövlət Gömrük Komitəsindən verilən məlumata görə, malların məhvolma prosesində DGK-nin Bakı Baş Gömrük İdarəsinin və QTA-nin 1 saylı Regional Bölməsinin əməkdaşları və bir sıra media nümayəndələri də iştirak ediblər.
Digər xəbərlər
