USD1,7000
EUR1,8634
GBP2,1133
RUB0,0208

Bakıda dilənçiyə görə iki nəfəri bıçaqladılar

05.10.2018 Hadisə
0 1
Bu gün Bakı Ağır Cinayətlər Məhkəməsində Bakıda gecə klubunda iki nəfəri bıçaqlamaqda təqsirləndirilən Müzəffər Sərxanbəyovun cinayət işi üzrə məhkəmə prosesi davam etdirilib.

“Kommersant.az” xəbər verir ki, hakim Zeynal Ağayevin sədrliyi ilə keçirilən prosesdə prokuror Mübariz Mirili ittiham aktını elan edib.

İttihama münasibət bildirən M.Sərxanbəyov özünü qismən təqsirli bilib: O, söyüş üstündə iki nəfəri bıçaqladığını deyib:

“Həmin adamlar mənə söydülər, üstümə hücum etdilər. Bıçağı qorxutmaq üçün çıxardım, vurmaq məqsədim yox idi. Lakin onlar mənə yenə də söyüş söyərək, vurmağa təhrik etdilər”.

O deyib ki, əslində, hadisəyə yolda dayanan dilənçi səbəb olub:

“Hadisə günü mən klubun qabağında dayanmışdım. Həmin vaxt bir dilənçinin ağladığını gördüm, soruşdum ki, sənə nə olub? Bu şəxslər də “Sənin nə işinə qalıb, dilənçi niyə ağlayır?”, - deyə soruşdular. Mən isə onlara yolları ilə getməyi məsləhət gördüm, qulaq asmadılar. Buna görə aramızda mübahisə yarandı”.