USD1,7000
EUR1,8634
GBP2,1133
RUB0,0208

Sığorta bazarının “Yol xəritəsi” hazırlanır

07.11.2018 Bank
0 0
Azərbaycan Sığortaçılar Assosiasiyası İctimai Birliyinin təşkilatçılığı ilə sığorta bazarının inkişaf istiqamətlərinin müəyyən olunması məqsədilə “Yol xəritəsi”nin hazırlanmasına dair işlərə başlanıb.

"Kommersant.az"ın ASA-ya istinadən verdiyi xəbərə görə, birlikdə, bununla bağlı işçi qrupu yaradılıb. Burada Birliyin nümayəndələri ilə yanaşı, sığorta şirkətlərinin müxtəlif departamentlərinin rəhbər şəxsləri və mütəxəssislər, İcbari Sığorta Bürosunun nümayəndəsi, sığorta vasitəçiləri və sahə üzrə ekspertləri iştirak edir.

"Yol xəritəsi"nin Birliyin 3 illik fəaliyyət planı və görüləcək işlərini özündə ehtiva etməsi nəzərdə tutulub. "Yol xəritəsi" sığorta sektorunda mövcud problemlərin aşkarlanması, onların həlli yollarının müəyyən edilməsi və buna dair təkliflərin formalaşdırılması, sığorta sahəsi üzrə qanunverici bazanın təkmilləşdirilməsi, sığorta bazarının hərtərəfli analizi, bazara dair analitik mövqeyin formalaşdırılması və statistikasının hazırlanmasını məqsəd qoyub.

Hazırda işçi qrupu daxilində avtonəqliyyat vasitələrinin mülki məsuliyyətinin icbari sığortası və daşınmaz əmlakın icbari sığortası ilə bağlı bir sıra işlər görülüb və bu istiqamətdə fəaliyyətlər davam etdirilir.

Qeyd edək ki, "Yol xəritəsi"nin bir ərzində tamamlanması üçün Birlikdə işçi qrupunun intensiv görüşləri və bununla bağlı müzakirələri təşkil olunur.