USD1,7000
EUR1,8634
GBP2,1133
RUB0,0208

"Amrahbank"ın faiz gəlirləri iki dəfədən çox artıb - HESABAT

01.11.2018 Sərfəli Banklar
0 0
"Amrahbank" bu ilin 3-cü rübünə olan maliyyə hesabatını açıqlayıb.

"Kommersant.az" yayımlanan maliyyə hesabatına əsasən xəbər verir ki, sari ilin ikinci rübü ilə müqayisədə üçüncü rübdə "Amrahbank" ASC-nin faiz gəlirləri 63% artaraq 5 milyon 975 min manat təşkil edib. Bankın qeyri-faiz gəlirlərində 59% artım qeydə alınaraq 5 milyon 739 min manat təşkil edib. O cümlədən, xarici valyuta əməliyyatları üzrə xalis gəlirlərdə də artım müşaidə olunub. Belə ki, ötən dövrdə bank tərəfindən 1 milyon 135 min manat gəlir əldə olunub. "Amrahbank" son 3 ay ərzində əməliyyat gəlirlərini 1 milyon 442 min manat artırıb.

Qeyd edək ki, "Amrahbank"ın aktivləri cari ilin birinci yarısı ilə müqayisədə 196 milyon 216 min manatdan 207 milyon 43 min manata artıb.

Bankın kredit portfeli keçən rüblə müqayisədə 10 milyon 802 min manat artaraq 30 sentyabr 2018-ci il tarixində 120 milyon 708 min manat təşkil edib.

Hər bir bankda olduğu kimi "Amrahbank"ın fəaliyyətində də dayanıqlı maliyyə mənbəyi kimi daimi maliyyə resurslarının formalaşması və müştəri etimadı faktorunun göstəricisi kimi depozit portfeli müstəsna əhəmiyyət kəsb edir. Belə ki, "Amrahbank"ın cəlb olunmuş vəsaitlərində də artım müşahidə olunub. İkinci rüblə müqayisədə əhalinin müddətli və tələbli əmanətlərinin həcmi 11 milyon 791 min manat artaraq 161 milyon 497 min manat olub.