USD1,7000
EUR1,8634
GBP2,1133
RUB0,0208

Azərbaycan dünyada ən yaxşı yollara malik ölkələrdən biridir

05.06.2018 İqtisadiyyat
0 0
Azərbaycan yolların keyfiyyəti reytinqində 137 ölkə arasında 36-cı yeri tutur.

"Kommersant" xəbər verir ki, ekspertlər dünyada ən yaxşı və pis yolları olan ölkələrin adlarını açıqlayıblar. Siyahı 2017-2018-ci illər üzrə qlobal rəqabətə davamlılıq indeksinə əsasən tərtib edilib.

Reytinq cədvəlində 137 ölkə yer alıb. Yolların keyfiyyəti 1-7 ballıq cədvəl üzrə qiymətləndirilib. Maraqlıdır ki, heç bir dövlət ən yüksək bal toplaya bilməyib. Dünyanın ən yaxşı yollarına malik olan Birləşmiş Ərəb Əmirlikləri (BƏƏ) 6,4 balla birinci yerdədir. İkinci yeri 6,3 balla Sinqapur tutur. Liderlərin üçlüyünü eyni bal toplayan İsveçrə tamamlayır.

Ən yüksək onluğa Honkonq (6,2 bal), Niderland (6,1 bal), Yaponiya (6,1 bal), Fransa (6 bal), Portuqaliya (6 bal), Avstriya (6 bal) və ABŞ (5,7 bal) daxildir. Müvafiq olaraq 36, 37 və 38-ci yerləri tutan Azərbaycan, Litva və Estoniyanın yolları keçmiş SSRİ ölkələri arasında ən yaxşı hesab edilir. Qonşu Gürcüstan və Ermənistan cədvəldə müvafiq olaraq 82 və 85-ci yerdədir.

Ən pis yollar isə Mavritaniyadadır. Ekspertlər bu ölkənin yollarını 2 balla qiymətləndirib, ümumi siyahıda isə sonuncu – 137-ci yerə layiq görüblər. Siyahıda digər pis yolları olan ölkə Konqo Demokratik Respublikasıdır (2,1 bal). Onun ardınca Haiti (2,1 bal), Madaqaskar və Qvineya (hər biri 2,2 bal) gəlir. Son onluqda Yəmən (2,3 bal), Paraqvay (2,4 bal), Ukrayna (2,4 bal), Moldova (2,5 bal) və Mozambik (2,5 bal) də yer alıb.

Ümumi reytinq cədvəlində Rusiya 114-cü yerdədir. Bununla belə, ekspertlər Rusiyada yolların keyfiyyətində müsbət dəyişikliklərin olduğu qənaətindədirlər.

  • Əvvəlki

    İşğal olunmuş ərazilərində ətraf mühitə dəyən zərər beynəlxalq konfransda müzakirə olunub

Digər xəbərlər

28.03.2024 İqtisadiyyat
Lirə uçuruma doğru sürətlə irəliləyir
0 0
28.03.2024 İqtisadiyyat
Dünya birjalarında neft neçəyə satılır?
0 0
28.03.2024 İqtisadiyyat
Bu günə olan valyuta məzənnələri
0 0
27.03.2024 İqtisadiyyat
Apple panoramik ekranlı iPhone-u icad etdi
0 0
27.03.2024 İqtisadiyyat
Avropada qazın qiyməti yenidən bahalaşıb
0 0
27.03.2024 İqtisadiyyat
Elektron ticarətə vergilər - YOLDADIR
0 0
27.03.2024 İqtisadiyyat
Avropada saatlıq əmək xərcləri artdı
0 0
27.03.2024 İqtisadiyyat
Türkiyənin xam neft idxalı artıb
0 0