USD1,7000
EUR1,8634
GBP2,1133
RUB0,0208

Prezident bu şuranı ləğv etdi - SƏRƏNCAM

26.12.2018 İqtisadiyyat
0 0
Bu gün Azərbaycan Respublikasının Prezidenti İlham Əliyev “Azərbaycan Respublikasında turizmin inkişafı ilə bağlı əlavə tədbirlər haqqında” Azərbaycan Respublikası Prezidentinin 2016-cı il 1 sentyabr tarixli 2295 nömrəli Sərəncamında dəyişiklik edilməsi barədə Sərəncam imzalayıb.

"Kommersant.az" xəbər verir ki, Sərəncam ilə, "Azərbaycan Respublikasında turizmin inkişafı ilə bağlı əlavə tədbirlər haqqında" Azərbaycan Respublikası Prezidentinin 2016-cı il 1 sentyabr tarixli 2295 nömrəli Sərəncamının 1-ci, 2-ci hissələri və 3.2-ci bəndi ləğv edilib.

Sərəncamın 1-ci hissəsinə görə, Azərbaycan Respublikasının Turizm Şurası yaradılmışdı.

2-ci hissə ilə müəyyən edilmişdi ki, Azərbaycan Respublikasının Turizm Şurasının əsas məqsədi Azərbaycan Respublikasında turizm sahəsində mövcud vəziyyəti təhlil etməkdən, bu sahədə olan problemlərin aradan qaldırılması üçün müvafiq tədbirlərin görülməsindən, turizm sahəsində dövlət orqanlarına həvalə edilmiş vəzifələrin icrasının əlaqələndirilməsindən ibarətdir.

3.2-ci bənd ilə Nazirlər Kabinetinə Azərbaycan Respublikasının Mədəniyyət və Turizm Nazirliyi ilə birlikdə Azərbaycan Respublikasının Turizm Şurası haqqında Əsasnamənin layihəsini və Şuranın tərkibinə dair təkliflərini iki ay müddətində hazırlayıb Azərbaycan Respublikasının Prezidentinə təqdim etmək tapşırılmışdı.

Həmçinin Prezident İlham Əliyev "Azərbaycan Respublikasında turizmin inkişaf etdirilməsi ilə bağlı bir sıra tədbirlər haqqında" Azərbaycan Respublikası Prezidentinin 2016-cı il 27 dekabr tarixli 1179 nömrəli Fərmanında dəyişiklik edilməsi barədə Fərman imzalayıb.

Fərman ilə "Azərbaycan Respublikasında turizmin inkişaf etdirilməsi ilə bağlı bir sıra tədbirlər haqqında" Azərbaycan Respublikası Prezidentinin 2016-cı il 27 dekabr tarixli 1179 nömrəli Fərmanının 1-ci, 2-ci və 8-ci hissələri ləğv edilib.

Ləğv edilən 1-ci, 2-ci hissələr ilə "Azərbaycan Respublikasının Turizm Şurası haqqında Əsasnamə"və "Azərbaycan Respublikası Turizm Şurasının tərkibi" təsdiq edilmişdi.

8-ci hissədə isə qeyd edilirdi ki, bütün mərkəzi və yerli icra hakimiyyəti orqanları, habelə aidiyyəti dövlət qurumları bu Fərmandan irəli gələn vəzifələrin icrası ilə bağlı Azərbaycan Respublikasının Turizm Şurasına lazımi kömək göstərilməsini və onun müraciəti əsasında zəruri məlumatların təqdim olunmasını təmin etsinlər.

  • Əvvəlki

    Prezident sərəncam imzaladı - ARTIQ DAHA ASAN OLACAQ

Digər xəbərlər

18.03.2024 İqtisadiyyat
İraq neft ixracını azaldacaq
0 0
18.03.2024 İqtisadiyyat
Morgan Stanley-dən neft proqnozu
0 0