01.05.2019 Bank

0 0

"Kommersant.az" xəbər verir ki, bankın xərclərində azalma müşahidə olunub. Belə ki, bu ilin birinci rübündə faiz xərci 2018-ci ilin eyni dövrü ilə müqayisədə 26% azalaraq 3.25 mln. manat təşkil edib. Qeyri-faiz xərcləri isə 6.9 mln. manat olub ki, bu da analoji dövrlə müqayisədə 4% daha azdır.

Hesabat dövrünün sonuna Bankın əməliyyat mənfəəti 1.89 mln. manat təşkil edib.

Tənzimləyici orqanın müəyyən etdiyi müvafiq normativin tələblərinə uyğun olaraq ehtiyat həcminin tələb olunan səviyyəyə çatdırılması bank tərəfindən tam olaraq təmin edilmiş, bu məqsədlə cari ilin birinci rübündə 11.48 mln. manat əlavə ehtiyat yaradılmışdır. Bunun nəticəsində, bank cari dövrü 7.75 mln. manat zərərlə yekunlaşdırıb.

Qeyd edək ki, kredit müştərilərinin maddi rifahının yaxşılaşdırılması və bank sektorunun sağlamlaşdırılması istiqamətində Azərbaycan Respublikası Prezidenti Cənab İlham Əliyevin imzalamış olduğu “Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər” haqqında fərmanın icrası Bank of Baku-nun maliyyə vəziyyətinin yaxşılaşmasına və Bankın sağlamlaşmasına əhəmiyyətli dərəcədə təsir göstərmişdir. Bütün bu göstəricilər aprel ayının yekunu ilə bağlı hesabatda öz əksini tapacaq və bu haqda geniş ictimaiyyətə daha ətraflı məlumat veriləcək. Əlavə olaraq onu da qeyd edək ki, “Moody's” beynəlxalq reytinq agentliyi də sonuncu hesabatında, fərmanın bankın maliyyə vəziyyətinə müsbət təsir edəcəyini proqnozlaşdıraraq, Bank of Baku-nun əmanət üzrə reytinqini neqativdən stabilə yüksəldib.

Daha ətraflı:

145 Məlumat Mərkəzi
www.bankofbaku.com
www.facebook.com/bankofbaku