02.06.2018 Bank

0 0

"Kommersant" xəbər verir ki, monitorinq qrupu olaraq tez-tez müraciət etdiyimiz və barəsində araşdırma apardığımız mövzuların başında yəqin ki, bankların debet kartları haqqında olan araşdırmalar gəlir. Bankların bu məhsulu öz kütləviliyi, yəni bütün banklarda təklif edilməsi ilə yanaşı, bəziləri müştərilər üçün maraqlı ola biləcək bir sıra özəlliklərə sahib ola bilir. Öncəki araşdırmalarımızda bu özəlliklərdən olan “cash-back”, “depozit funksiyası” və s.haqqında ətraflı araşdırmaları Sizlərə təqdim etmişdik. Bu dəfə isə, bütün banklar tərəfindən tətbiq edilməsində texniki tərəfdən maneə olmayan, lakin yalnız barmaqla sayılacaq qədər Bankda tətbiq edilən bir funksiyadan “komissiyasız nağdlaşma” funksiyasından söhbət açacağıq. Qeyd etdiyimiz kimi, bu özəlliyi öz kartlarına tətbiq etmək üçün banklar digər funksiyalarda (cash-back, depozit) olduğu kimi əlavə bir texniki dəstəyə ehtiyac duymur, sadəcə müəyyən qədər gəlirlərində keçməli olurlar. Əksər Banklar öz debet kartlarından öz ATM-lərində 1% həcmində nağdlaşma komissiyası tutur. Lakin, bəzi banklarda bu komissiya nəzərdə tutulmayıb və bu müştəriyə öz şəxsi vəsaitini istədiyi vaxt karta yerləşdirmək, istədiyi vaxt heç bir xərcsiz nağd şəkildə istifadə etməyə imkan verir. Aşağıdakı siyahıda, Sizlərə hansı bankların hansı debet kartlarına bu üstünlüyü şamil etdikləri , bu kartların növü və qiyməti haqqında məlumatlar təqdim olunub.

*Contactless funksiyası – kartdan 20 AZN-ə kimi olan əməliyyatların pin-koda ehtiyac olmadan yalnız kartı POS-a yaxınlaşmaqla həyata keçirməyə imkan verən funksiyadır.

Banker.az