Bank kreditlərinin ən baha və ən ucuz olduğu bölgələr açıqlandı

Bank kreditlərinin ən baha və ən ucuz olduğu bölgələr açıqlandı - Siyahı

2020-cu ilin may ayına Azərbaycanda fəaliyyət göstərən bankların regionlar üzrə kredit qoyuluşunun həcmi 14,361 mlrd. manat təşkil edib. Kredit qoyuluşlarında azalma lisenziyası ləğv edilmiş banklarla əlaqədardır.

"Kommersant.az" bu barədə Azərbaycan Mərkəzi Bankına istinadən xəbər verir.

Hesabat dövründə banklar tərəfindən təklif olunan kreditlərin orta faiz dərəcəsi 10,9 %-ə bərabər olub.

Bank sektorunda regionlar üzrə verilən kreditlərin həcminə görə ilk pillələri Bakı şəhəri, Aran və Gəncə-Qazax iqtisadi rayonları tutur. Respublika üzrə ən az kredit Yuxarı-Qarabağ iqtisadi rayonunda verilib. Bu bölgədə kredit qoyuluşu 58,439 min manat təşkil edib.

Regionlar üzrə verilən kreditlərin orta faiz dərəcəsinə gəlincə, ən bahalı kreditlər Yuxarı Qarabağ iqtisadi rayonunun payına düşüb. Bu iqtisadi rayon üzrə verilən kreditlərin orta faiz dərəcəsi 23.7% təşkil edib. Hesabat dövründə ölkədə ən aşağı faizlə kreditlər Bakı şəhərində verilib. Paytaxtda orta kredit faizi 9,1% olub. İqtisadi rayonlar arasında orta faiz dərəcəsinə görə ən aşağı göstərici Naxçıvanda qeydə alınıb. Burada verilən kreditlərin orta faiz dərəcəsi 15,1%-ə bərabər olub.

Banker.az