28.07.2020 Bank

0 0

"Kommersant.az" bankın açıqladığı hesabata əsasən xəbər verir ki, "Bank of Baku" cari ilin ilk altı ayını 5 mln. 405 min manatlıq xalis mənfəətlə başa vurub.

Bankın cəmi aktivləri ötən ilin hesabat rübü ilə müqayisədə 87 mln. 977 min manat artaraq 379 mln. 214 min manata çatıb. Bundan başqa bankın cəmi öhdəlikləri də ötən ilin analoji dövrü ilə müqayisədə 90 mln. 149 min manat artaraq 309 mln. 651 min manat olub. Bundan başqa bankın cəmi kapitalı 2019-cu ilin ilk yarısı ilə müqayisədə 4 mln. 172 min manat azalaraq 69 mln. 563 min manata düşüb.

KREDİT VƏ DEPOZİT PORTFELİ ARTIB

"Bank of Baku"nun müştərilərinə verdiyi kredit ötən illə müqayisədə 177 mln. 248 min manat artaraq 349 mln. 405 min manata çatıb. Bu da bankın cəmi aktivlərinin artmasına səbəb olub. Bankın depozit portfeli isə 43 mln. 150 min manat artaraq 173 mln. 466 min manata çatıb ki, bu, bankın cəmi öhdəliklərinin artmasına səbəb olub.

FAİZ GƏLİRLƏRİ VƏ MƏNFƏƏT

"Bank of Baku"nun faiz gəliri ötən ilin eyni rübü ilə müqayisədə 16 mln. 383 min manat artaraq 26 mln. 739 min manata çatıb. Bankın faiz xərci iə 707 min manat artaraq 6 mln. 295 min manata yüksəlib. Nəticədə "Bank of Baku"nun xalis faiz gəliri ötən ilin ilk yarısı ilə müqayisədə 15 mln. 676 min manat artaraq 20 mln. 443 min manat olub.

Bankın qeyri-faiz gəlirləri 3 mln. 198 min manat artaraq 5 mln. 489 min manata,qeyri-faiz xərcləri isə 10 mln. 895 min manat artaraq 18 mln. 521 min manata çatıb. Nəticədə Bankın əməliyyat mənfəəti 7 mln. 411 min manat olub ki, bu da ötən ilin 2-ci rübü ilə müqayisədə 7mln. 979 min manat çoxdur.

"Bank of Baku"nun xalis məənfəəti 34 mln. 634 min manat azalaraq 5 mln. 405 min manata enib. Bankın məcmu kapitalı isə 22 mln. 605 min manat artaraq 79 mln. 85 min manata çatıb.