"Express Bank" uçuruma doğru iri ADDIMLARLA

"Express Bank" uçuruma doğru iri ADDIMLARLA - MÜŞTƏRİLƏR PULLARINI GERİ ÇƏKİR

Müştərilər "Express Bank"-a olan inamını itirir, nəticədə bank mənfiyə doğru ilərliyir.

"Kommersant.az" xəbər verir ki, "Express Bank" cari ilin ikinci rübünü uğurlu başa vura bilməyib. Belə ki, bank 54 milyon manat depozit itirərək depozit portfelini əridib. Bundan başqa bankın müştərilərini itirməsi ötən rüblərdən başlayıb və hələ də davam edir.

Bank uzun müddətdir müştəri itirməsinə baxmayaraq, hələ də ayaqda dayana bilir. Amma bunun nə qədər davam edəcəyi bilinmir. "Express Bank"ın depozit portfeli ötən ilin əvvəllərindən kəskin şəkildə azalmağa doğru gedir. Belə ki, bankın depozitləri cari ilin ikinci rübündə 126 mln. 276 min manat olub. Bu, ötən ilin ilk yarısı ilə müqayisədə 54 mln. 90 min manat, ötən ilin 3-cü rübü ilə müqayisədə 53 mln. 951 min manat, 2019 -cu ilin 4-cü rübü ilə müqayisədə 47 mln. 944 min manat, cari ilin birinci rübü ilə müqayisədə isə 21 mln. 666 min manat azalıb. Bu azalmanın davam edəcəyi təqdirdə bankın gələcək taleyi şübhə doğurur.

"Express Bank"da 2019-cu ilin 3-cü rübü ilə müqayisədə fiziki şəxlər 39 mln. 110 min manat, fiziki şəxlər isə 14 mln. 842 min manatını geri çəkiblər.

Express Bank	2019 (II rüb)	2019 (III rüb)	2019 (IV rüb)	2020 (I rüb)	2020 (II rüb)
Depozitlər	180.366	180.227	174.220	147.942	126.276
Fiziki Şəxs	-	146.914	142.668	235.394	107.804
Hüquqi şəxs	-	33.313	31.532	22.548	18.471