16.03.2021 Bank

0 0

“Kommersant.az” analitika saytı olaraq hər iki bankın maliyyə göstəricilərini və arada olan fərqi təqdim edirik:

Cədvəldən də göründüyü kimi “Turan Bank” cəmi aktivlərə görə rəqibi “Express Bank”ı 238 milyon 288 min manat üstələyib. Bunun əsas səbəbi isə “Turan Bank”ın xalis kreditlərinin “Express Bank”dan 150 milyon 882 min manat çox olmasıdır. Kredit portfelinin bölgüsündə “Express Bank”ın istehlak kreditləri rəqibindən 65 milyon 18 min manat çox olsa da “Turan Bank” onu biznes kreditlərində174 milyon 755 min manat üstələyib. İpoteka kreditlərinə görə “Turan Bank” “Express Bank”ı 31 milyon 614 min manat geridə qoyub.

Cəmi öhdəliklərdə də “Turan Bank”dan 278 milyon 960 min manat geridə qalan “Express Bank”ın depozit portfeli də rəqibindən az olub. “Turan Bank” depozit portfelində rəqibini 161 milyon 576 üstələyib. Depozit portfelinin bölgüsündə fiziki şəxslərin depozitinə görə “Turan Bank” “Express Bank”ı 120 milyon 374 min manat geridə qoyub. Bundan başqa “Express Bank”ın hüquqi şəxslərdən topladığı depozitlər “Turan Bank”dan 41 milyon 202 min manat az olub.

“Express Bank” cəmi kapitala görə “Turan Bank”ı 40 milyon 623 min manatla üstələyib.

“Express Bank”ın faiz gəliri rəqibindən 2 milyon 986 min manat çox, faiz xərcləri isə 15 milyon 108 min manat az olub. Nəticədə “Express Bank”ın xalis faiz gəliri “Turan Bank”dan 18 milyon 94 min manat çox olub. Qeyri-faiz gəlirində “Turan Bank”ı 9 milyon 169 min manat geridə qoyan “Express Bank”ın qeyri-faiz xərcləri də rəqibindən 16 milyon 473 min manat çoxdur. Buna görə də “Express Bank”ın əməliyyat mənfəəti “Turan Bank”dan 10 milyon 790 min manat çoxdur.

2020-ci ilin 4-cü rübünə olan hesabata görə “Express Bank” xalis mənfəətə görə rəqibini 6 milyon 145 min manatla geridə qoya bilib. Buna görə də “Express Bank” 2 milyon 133 min manat, “Turan Bank” isə 171 min manat mənfəət vergisi veriblər.

Tutumlardan sonrakı məcmu kapitalın məbləğinə görə “Express Bank” “Turan Bank”dan 35 milyon 126 min manat öndədir.

Qeyd edək ki, “Turan Bank”ın Müşahidə şurasının sədri Rauf Kazımov, İdarə Heyətinin sədri isə Fəzail Musayevdir. “Express Bank”ın isə Müşahidə Şurasının sədri Əfqan Cavadov, İdarə Heyətinin sədri isə Mehman Məmmədovdur.