14.02.2023 Bank

13 4

Kommersant.az xəbər verir ki, bankların açıqladığı maliyyə hesabatına görə, Azərbaycanda fəaliyyət göstərən 25 bankdan cəmi 1-i istehlak kreditlərini 2021-ci ilin son rübü ilə müqayisədə azaldıb. Türkiyənin ölkəmizdə fəaliyyət göstərən “Ziraat Bank”ı istehlak kreditlərini 466 min manat və ya 15,9% azaldaraq 2 milyon 455 min manat endirib. Bundan başqa Türkiyənin dövlət bankı korporativ banklar arasında ən az istehlak krediti verən bank olub.

2021-ci ilin son rübü ilə müqayisədə “Kapital Bank” ən çox istehlak krediti verən korporativ bank olub. Onun sözügedən krediti 230 milyon 722 min manat və ya 14,4% artaraq 1 milyard 833 milyon 106 min manata yüksəlib.

“Bank of Baku” da RETAİL banklar arasında ən çox istehlak krediti verdiyinə görə kürsüdə krallar kimi əyləşib. Onun istehlak krediti 122 milyon 647 min manat və ya 44,5% artaraq 398 milyon 103 min manata çatıb.

Ən az istehlak krediti verən RETAİL bank isə Türkiyənin “Yapı Kredi Bank”ı olub. Türkiyənin “qoçları” istehlak kreditlərini 5 milyon 156 min manat və ya 12,8% artıraraq 45 milyon 307 min manata bərabərləşdirib.

Bununla da RETAİL və korporativ banklar arasında Türkiyənin ölkəmizdə fəaliyyət göstərən iki bankı da "sinifdə qalıb".