ASB-nin faiz gəlirləri üzrə

ASB-nin faiz gəlirləri üzrə - HESABATI

“Azərbaycan Sənaye Bankı” (ASB) 2022-ci ilin sonunda xalis mənfəəti 3 milyon 57 min manat və ya 1.4 dəfə artaraq 5 milyon 285 min manata yüksəlib.

Kommersant.az xəbər verir ki, ASB-nin faiz gəliri 2021-ci ilin sonu ilə müqayisədə 2 milyon 7 min manat və ya 7.4% azalaraq 25 milyon 74 min manata enib. Bankın faiz xərcləri də 2 milyon 733 min manat və ya 19% azalaraq 11 milyon 624 min manata düşüb. Nəticədə ASB xalis faiz gəliri əldə edib. Onun xalis faiz gəliri 1 il ərzində 666 min manat və ya 5.2% artaraq 13 milyon 381 min manata çatıb.

Bankın qeyri-faiz gəliri 4 milyon 796 min manat artaraq 10 milyon 536 min manat olub. Qeyri-faiz xərclərini isə 3 milyon 119 min manat və ya 19.9% artıraraq 18 milyon 743 min manata çatdırıb. Bununla da ASB-nin əməliyyat mənfəəti 2 milyon 342 min manat və ya 82.7% artaraq 5 milyon 173 min manata bərabər olub.

ASB Bank	2022 (IV Rüb)	2021 (IV Rüb)	Fərq
Faiz Gəliri	25.074	27.081	-2.007
Faiz Xərci	11.624	14.357	-2.733
Xalis Faiz Gəliri	13.381	12.715	666
Qeyri-Faiz Gəliri	10.536	5.740	4.796
Qeyri-Faiz Xərci	18.743	15.624	3.119
Əməliyyat Mənfəəti (Zərəri)	5.173	2.831	2.342
Xalis Mənfəət (Zərər)	5.285	2.228	3.057