“Ziraat Bank”ın aktivlər cəminin göstəriciləri

“Ziraat Bank”ın aktivlər cəmi 2021-ci ilin eyni rübü ilə müqayisədə 140 milyon 829 min manat və ya 36.2% artaraq 528 milyon 899 min manata bərabər olub. Bu artımın 61.3%-i kredit portfelinin payına düşüb. Belə ki, bankın kredit portfeli 86 milyon 367 min manat və ya 37.3% artaraq 317 milyon 579 min manata yüksəlib.

Kommersant.az bankın hesabatına istinadən xəbər verir ki, Türkiyə dövlət bakının istehlak kreditəri 1 il ərzində 466 min manat azalsa da, biznes kreditləri 82 milyon 878 min manat və ya 36.6% artaraq 308 milyon 960 min manata çatıb. “Ziraat Bank” daşınmaz əmlak kreditinə isə 6 milyon 163 min manat ayırıb ki, bu da 2021-ci ilin analoji dövrü ilə müqayisədə 3 milyon 955 min manat və ya 1.8 dəfə çoxdur.

Mümkün zərərlər üçün yaradılan məqsədli ehtiyatını 6 milyon 306 min manat artıraraq 10 milyon 868 min manata yüksəldən “Ziraat Bank”ın xalis kreditləri 306 milyon 711 min manata bərabər olub. Bu da 2021-ci ilin müvafiq dövrü ilə müqayisədə 80 milyon 61 min manat və ya 5.3% çoxdur.

ZiraatBank Azərbaycan	2022 (IV Rüb)	2021 (IV Rüb)	Fərq
Cəmi Aktivlər	528.899	388.070	140.829
Kredit Portfeli	317.579	231.212	86.367
İstehlak kreditləri	2.455	2.921	-466
Biznes kreditləri	308.960	226.082	82.878
Daşınmaz əmlak kreditləri	6.163	2.208	3.955
Mümkün zərərlər üçün yaradılan məqsədli ehtiyat	10.868	4.562	6.306
Xalis Kreditlər	306.711	226.650	80.061