“Yapı Kredi Bank”ın cəmi aktivlər üzrə göstəriciləri

“Yapı Kredi Bank”ın cəmi aktivləri 2021-ci ilin son rübü ilə müqayisədə 87 milyon 120 min manat və ya 22% artaraq 481 milyon 927 min manata çatıb.

Kommersant.az bankın hesabatına istinadən xəbər verir ki, bu artımda kredit portfelinin payı 71.2% olub. Belə ki, bankın kredit portfeli 1 il ərzində 62 milyon 32 min manat və ya 35.5% artaraq 236 milyon 945 min manata çatıb. Bu artımda ən böyük paya 83.7%-lə biznes kreditləri sahib olub. Belə ki, bankın bzines kreditləri 2021-ci ilin analoji dövrü ilə müqayisədə 51 milyon 910 min manat və ya 44.3% artaraq 169 milyon 165 min manata bərabərləşib. Budan başqa “Yapı Kredi Bank”ın istehlak kreditləri də 5 milyon 156 min manat və ya 12.8% artaraq 45 milyon 307 min manata çatıb. Bankın daşınmaz əmlaka ayırdığı kreditlər isə 4 milyon 965 min manat və ya 28.4% artaraq 22 milyon 471 min manat olub.

Mümkün zərərlər üçün yaradılan məqsədli ehtiyatını 683 min manat azaldaraq 38 milyon 215 min manata endirən “Yapı Kredi Bank”ın xalis kreditləri 198 milyon 729 min manata bərabər olub. Bu da 2021-ci ilin müvafiq dövrü ilə müqayisədə 62 miylon 714 min manat və ya 46.1% çoxdur.

Yapı Kredi Bank	2022 (IV Rüb)	2021 (IV Rüb)	Fərq
Cəmi Aktivlər	481.927	394.807	87.120
Kredit	236.945	174.913	62.032
İstehlak kreditləri	45.307	40.151	5.156
Biznes kreditləri	169.165	117.255	51.910
Daşınmaz əmlak kreditləri	22.471	17.506	4.965
Mümkün zərərlər üçün yaradılan məqsədli ehtiyat	38.215	38.898	-683
Xalis Kreditlər	198.729	136.015	62.714