Mərkəzi Bank və fondlara borclu olan banklar

Mərkəzi Bank və fondlara borclu olan banklar - SİYAHI

Bu il yanvarın 1-nə olan vəziyyətə görə, ölkəmizdə fəaliyyət göstərən bankların Azərbaycan Mərkəzi Bankı (qısaca - AMB) və fondlar qarşısında öhdəliklərinin illik dinamikası məlum olub.

Kommersant.az xəbər verir ki, 25 bankdan 4-ü AMB və fondlara olan borcunu artırıb. Belə ki, “Bank VTB (Azərbaycan)” 9 milyon 752 min manat, “Premium Bank” borcunu 3 milyon 348 min manat, “Turan Bank” 6 milyon 494 min manat, “Yelo Bank” 9 milyon 755 min manat AMB-yə olan borc dinamikasını artırıb. 6 bank isə tənzimləyici qurumdan borc almayıb.

2022-ci ilin sonunda 19 bankın dövlət qurumuna və fondlara olan borcu 721 milyon 592 min manat olub. Bu 2021-ci ilin sonu ilə müqayisədə 97 milyon 624 min manat azdır. Yəni, 2021-ci ilin sonunda bankların tənzimləyici quruma 819 milyon 216 min borcu var idi.

“Bank Avrasiya”, “Melli İran Bankı”, “Naxçıvan Bank”, “Yapı Kredi Bank” və “Ziraat Bank (Azərbaycan)” dövlət qurumundan borc almayıb.

Banklar arasında AMB-yə ən çox borcu olan “Muğan Bank” olub. Onun borcu 2021-ci ilin sonu ilə müqayisədə 11 milyon 371 min manat və ya 6.04 faiz azalaraq 176 milyon 672 min manata düşüb.

AMB-yə an az borcu olan isə “Azərbaycan Sənaye Bankı” olub. Onun dövlət qurumuna olan borcu 1 il ərzində 35 min manat azalaraq 68 min manata enib.

№	Bankın Adı		AMB-yə Borcu
		2022 (IV Rüb)	2021 (IV Rüb)	Fərq
1	ABB	78.800	115.000	36.200
2	Access Bank	4.260	6.390	2.130
3	AFB Bank	162	244	82
4	ASB	68	103	35
5	Azər Türk Bank	107.409	143.901	36.492
6	Bank Avrasiya	-	-	-
7	Bank BTB	1.400	2.145	745
8	Bank of Baku	42.654	63.981	21.327
9	Bank Respublika	6.686	10.029	3.343
10	Bank VTB	46.381	36.629	+9.752
11	Express Bank	2.384	3.576	1.192
12	Günay Bank	2.100	5.500	3.400
13	Kapital Bank	1.080	1.620	540
14	Melli İran Bankı	-	-	-
15	Muğan Bank	176.672	188.043	11.371
16	Naxçıvan Bank	-	-	-
17	Paşa Bank	-	-	-
18	Premium Bank	30.304	26.956	+3.348
19	Rabitə Bank	2.268	3.402	1.134
20	Turan Bank	113.747	107.253	+6.494
21	UniBank	17.363	26.044	8.681
22	Xalq Bank	600	901	301
23	Yapı Kredi Bank	-	-	-
24	Yelo Bank	87.254	77.499	+9.755
25	Ziraat Bank	-	-	-