"Fitch"dən Türkiyə bankları şərhi
Fitch Ratings Kahramanmaraşda baş verən zəlzələ fəlakətlərinin Türkiyə banklarına mümkün təsirləri ilə bağlı hesabat dərc edib. Yayımlanan hesabatda zəlzələnin təsiri ilə problemli kreditlərdə artım ola biləcəyi, lakin artımın bankların kredit reytinqlərinə mənfi təsir etməyəcəyi bildirilib.
Onsuz da aşağı olan reytinq səviyyələri nəzərə alınmaqla, əksər bankların kredit reytinqlərinin təsirlənmə ehtimalının az olduğunu vurğulayan Fitch, hesabatda qeyd edib ki, “Təsir, hazırda 6 aya qədər davam edən tənzimləyici kredit təxirə salınma müddətləri bitdikdən sonra daha aydın görünəcək".
Fitch zəlzələnin iqtisadiyyatda iki mərhələdə yaradacağı proqnozunu şərh edib. Təşkilat 2023-cü ilin 3-cü rübündə dövlət xərclərinin artması ilə iqtisadiyyatda canlanma ola biləcəyini bildirsə də, zəlzələnin dağıdıcı təsirinin 2023-cü ilin birinci rübündə artımı boğlaya biləcəyini də şərh edib.
Fitch hesab edir ki, zəlzələdən təsirlənən ərazilər 2022-ci ilin sonuna qədər bank sektorunun ümumi kredit riskinin təxminən 9 faizini təşkil edir.
Fitch-in fikrincə, bankların aktivlərinin keyfiyyəti də zəlzələlərin daha geniş iqtisadi nəticələri ilə pisləşəcək, baxmayaraq ki, aktivlərin keyfiyyətinə olan təzyiq dövlətin fərdlərə və bizneslərə dəstəyi ilə azaldıla bilər.
Digər xəbərlər
