Türkiyə Mərkəzi Bankından banklara yeni göstəriş

Zəlzələ bölgəsinə xaricdən veriləcək vəsaiti asanlaşdırmaq üçün Mərkəzi Bank, Türk Lirəsi Swap Bazarında kotirovka üsulu ilə bir həftə müddətlə əməliyyatların da həyata keçirilə biləcəyini açıqlayıb.

Kommersant.az xəbər verir ki, əldə edilən məlumata görə, Türkiyə Respublikası Mərkəzi Bankı (TCMB) zəlzələ bölgəsi ilə bağlı Xarici Valyuta Türk Lirəsi Swap Bazarı əməliyyatlarının müddətləri ilə bağlı banklara göstəriş məktubu göndərib.

Müvafiq olaraq, 6 fevral zəlzələsindən sonra beynəlxalq inkişaf və investisiya bankları tərəfindən təmin ediləcək təcili dəstək fondlarından istifadə etmək üçün kotirovka metodunun və 1 həftəlik ödəmə əməliyyatlarının ödəmə müddətlərinin uzadılmasının məqsədəuyğun olacağı ifadə edilib.

Kotirovka üsulu ilə həyata keçiriləcək uzunmüddətli svop əməliyyatları ilə bağlı təcrübə və prinsiplərin də çatdırıldığı təlimatda aşağıdakılar qeyd olunub:

"Əməliyyatlar yalnız valyuta bazarlarında ticarət etmək səlahiyyəti olan banklarla həyata keçirilir və qeyd olunan vəsaitlərin istifadəsində vasitəçi kimi çıxış edəcək. Banklar əməliyyat tələblərini əməliyyat tarixindən əvvəl Valyuta Bazarları Müdirliyinə təqdim edirlər. Əməliyyatlar kotirovkadan istifadə etməklə həyata keçirilir".

türkiyə bank sektoru