Dörd bankın xalis kreditlər üzrə

Dörd bankın xalis kreditlər üzrə - RENKİNQİ

Azərbaycanda fəaliyyət göstərən korporativ banklar arasında 2023-cü ilin 1-ci rübündə ən çox xalis kreditə sahib olan bankların siyahısını hazırladıq. Milyard manatlıq xalis kreditə sahib olan dörd (4) bankın ötən ilin 1-ci rübü ilə müqayisədə sözügedən kreditlərində azalma qeydə alınmayıb.

Kommersant.az bankların balans hesabatına istinadən xəbər verir ki, 2022-ci ilin ilk rübü ilə müqayisədə ən çox artım “Xalq Bank”da olub. Onun xalis kreditləri 332 milyon 379 min manat artaraq 1 milyard 736 min manatı ötüb.

Ən az artım isə “Paşa Bank”da qeydə alınıb. “Paşanın Bankı” xalis kreditlərini 83 milyon 501 min manat artıraraq 2 milyard 686 milyon 228 min manata bərabərləşib.

Qeyd edək ki, ən çox xalis kreditlər adəti üzrə “Azərbaycan Beynəlxalq Bankı”nda (qısaca – ABB) olub. Dövlət bankının sözügedən kreditləri 3 milyard 281 milyon manatdan çox olub.

1 milyard 736 milyon 162 min manatlıq xalis kreditlə “Xalq Bank” siyahıda sonuncu yeri tutub.

Bankın Adı	2023 (I Rüb)	2022 (I Rüb)	Fərq
ABB	3.281,412	3.019,806	261,606
Paşa Bank	2.686,228	2.602,727	83,501
Kapital Bank	2.850,112	2.524,964	325,148
Xalq Bank	1.736,162	1.403,783	332,379