Sberbank Rusiyada başlayan "İslam bankçılığı sınaq prosesi"nə qatılıb
Rusiya Mərkəzi Bankı tərəfindən edilən yazılı açıqlamada Sberbankın iştirak bankçılığı olaraq da bilinən İslami bankçılığın sınaq prosesinə qatıldığı bildirilib.
Ölkədə islam bankçılığının sınaq məqsədilə istifadəsinə icazə verən və sentyabrın 1-dən qüvvəyə minən qanunla Rusiyanın Tatarıstan, Dağıstan, Çeçenistan və Başqırdıstan bölgələrində İslam bankçılığının “qanuni sınaq müddəti” başlayıb.
Qanuna görə, sınaq müddəti 2025-ci il sentyabrın 1-dək davam edəcək və Rusiya Bankı prosesin həyata keçirildiyi regionların siyahısını genişləndirmək səlahiyyətinə malik olacaq.
Sınaq prosesində iştirak edəcək qurumlar iştirak bankçılığı üçün əməliyyatlar edərkən faiz ödənişlərini təyin edə bilməyəcək, tütün və spirtli içkilərin istehsalı, silah və sursat kimi məhsulların ticarəti ilə bağlı fəaliyyətləri maliyyələşdirə bilməyəcək.
Digər xəbərlər
