Dünya Bankından Türkiyəyə 1,9 milyard dollar maliyyə

Xəzinə və maliyyə naziri Mehmet Şimşək ABŞ-a səfəri çərçivəsində keçirdiyi ilk görüşlərdə Dünya Bankı ilə əlverişli şərtlərlə maliyyələşdiriləcək 4 layihə ilə bağlı müqavilələr imzalayıb.

Xəzinə və maliyyə naziri Mehmet Şimşək G20 və Dünya Bankı toplantıları üçün gəldiyi ABŞ-da təmaslarının ilk günündə bir sıra görüşlərə qatılıb və ikitərəfli görüşlər keçirib.

Şimşekin iştirakı ilə Dünya Bankı ilə enerji səmərəliliyi, daşqın və quraqlıq riskinin idarə edilməsi, yaşıl keçid və zəlzələ bölgəsindəki sənaye sahələrinin yenidən qurulması ilə bağlı 4 mühüm layihə üçün kredit müqaviləsi imzalanıb. Sözügedən layihələr Ekologiya, Şəhərsalma və İqlim Dəyişikliyi, Kənd Təsərrüfatı və Meşəçilik və Sənaye və Texnologiya nazirlikləri tərəfindən həyata keçiriləcək.

Layihələr ictimai binalarda enerji səmərəliliyinin artırılması, fəlakətlərə qarşı dayanıqlığın gücləndirilməsi, yaşıl keçiddən mənfi təsir göstərə biləcək qruplara dəstək, zəlzələ zonasında mikro, kiçik və orta müəssisələrin fəaliyyətinin davamlılığının təmin edilməsi məqsədi daşıyır.