“PAŞA Bank” ASC-nin Müşahidə Şurasının tərkibində növbəti dəyişikliklər

“PAŞA Bank” ASC-nin Müşahidə Şurasının tərkibində növbəti dəyişikliklər baş verib. Belə ki, 18 mart tarixindən etibarən Mir Camal Paşayev “PAŞA Bank”ın Müşahidə Şurasının sədri vazifəsindən ayrılıb. Bankın Müşahidə Şurasının yeni sədri Rövşən Allahverdiyev təyin olunub.

Qeyd edək ki, Mir Camal Paşayev yaradılmasının ilk günündən başlayaraq, bu günə kimi, 18 ildir ki, “PAŞA Bank” ASC-nin Müşahidə Şurasına sədrlik edib, 2020-ci ildə isə Bankın səhmdarları siyahısına daxil olub. Cənab Paşayev “PAŞA Holding”in Direktorlar Şurasının sədr müavini kimi vəzifələrinin icrasına və PAŞA Qrupda digər istiqamətlər üzrə fəaliyyətinə davam etdirəcəyini bildirib.

Xatırladaq ki, “PAŞA Bank”ın Müşahidə Şurasının yeni sədri Rövşən Allahverdiyev 2013-cü ilin iyun ayından 2023-cü ilin may ayınadək “Kapital Bank”ın İdarə Heyətinin sədri vəzifəsində çalışıb. 2023-cü ilin may ayından etibarən cənab Allahverdiyev bankın Müşahidə Şurasının sədri vəzifəsinə təyin olunub. Hazırda R.Allahverdiyev “PAŞA Holding”in Baş İcraçı Direktorunun müavini vəzifəsində çalışır.

Beləliklə, hal-hazırda “PAŞA Bank”ın Müşahidə Şurasının yeni tərkibi aşağıdakı kimidir:

• Rövşən Allahverdiyev, Müşahidə Şurasının sədri

• Şahin Məmmədov, Müşahidə Şurasının üzvü

• Nəriman Sərdarlı, Müşahidə Şurasının üzvü

• Şirin Əliyeva, Müşahidə Şurasının müstəqil üzvü

• Corc Cosef Haimari, Müşahidə Şurasının müstəqil üzv

paşa bank Bank