09.04.2025 Bank

0 0

Deutsche Bank Global Macro-nun vitse-prezidenti Ozan Korman Tarman bildirib ki, bazarlar hazırda özlərini “sahibsiz” hiss edir və etimad böhranına sürüklənir. CNBC-e London təmsilçisi Berfu Güvənin canlı yayım qonağı olan Tarman qlobal bazarlardakı təlatümləri dəyərləndirib və mühüm xəbərdarlıqlar edib. O qeyd edib ki, Trampın cavab tarifləri ilə şiddətlənən ticarət müharibəsi maliyyə müharibəsi ehtimalı yaradıb.

"Tramp geri çəkilməyəcək; Pauel lazımi addımı ata bilər"

Tarman, ABŞ prezidenti Trampın ideoloji səbəblərdən geri çəkilmək niyyətinin olmadığını vurğulayarkən, ABŞ-da istiqraz hərraclarının pis getməsi və dolların qaçmağa davam etməsi halında FED sədri Powellin işə qarışmalı ola biləcəyini ifadə edərək, bu müdaxilənin faiz endirimi olmasa belə, fövqəladə istiqraz alış proqramı şəklində ola biləcəyini ifadə etdi.

“Ən böyük risk ticarət müharibəsinin maliyyə müharibəsinə çevrilməsidir”

Ən böyük risklərdən birinin ticarət müharibəsinin maliyyə müharibəsinə çevrilməsi olduğunu deyən Tarman, Çinin öz valyutasını silah kimi istifadə etmə ehtimalının qlobal bazarları daha da sarsıda biləcəyini qeyd edib. Onun sözlərinə görə, əgər Çin böyük bir devalvasiyaya məruz qalarsa, ABŞ istiqrazlarına və səhmlərinə daha böyük təzyiq ola bilər.

“Dollar inamını itirir, vəsaitlər başqa valyutalara keçir”

Tarmanın sözlərinə görə, hazırda dollarla maliyyələşmədə ciddi sıxıntı yoxdur, lakin investorlar dollar aktivlərindən çıxmağa başlayıblar. Böyük fondlar avro və Çin yuanı kimi alternativ valyutalara üz tutur. Bu, qlobal sistemdə dollara əsaslanan nizamın tədricən çevrildiyi bir prosesə işarə edir.

“Paritet hekayəsi avronun xeyrinədir”

Tarman, Almaniyanın 1,1 trilyon avroluq yeni dövlət xərcləri planının və yeni kansler Merzin ritorikasının avronun lehinə güclü bir hekayə yaratdığını bildirdi. O bildirib ki, Avropa Mərkəzi Bankı da hadisələrin fonunda güvercin mövqeyi ilə faiz dərəcələrini endirəcək.