"Express Bank" və "Rabitə Bank"ın kredit qırğını

"Express Bank" və "Rabitə Bank"ın kredit qırğını - NƏTİCƏ, QALİB

“Bankların Dueli” yarışmasının bu günki rəqibləri “Express Bank” və “Rabitə Bank”dır.

"Kommersant.az" xəbər verir ki, hər iki bank lombard krediti üzrə yarışa çıxıb. "Express bank"ın 15 min manatadək təklif etdiyi lombard kreditini "Rabitə Bank" 10 min manatadək rəsmiləşdirə bilir. Hər iki bank lombard kreditini manatla verir. Kreditin müddətinə görə rəqibi "Express Bank"a məğlub olan "Rabitə Bank" illik faiz dərəcəsinə görə meydan yoldaşını qabaqlayır. Belə ki, lombard kreditini 29% - 30% -lə təqdim edən "Rabitə Bank" rəqibini bu bəndlə 6% qabaqlayır. Hər iki bank komissiya və kreditin nağdlaşdırma haqqı üçün 1% əlavə xərc tələb edir. Zərgər haqqı isə hər iki bankda 10 manat təşkil edir.

Faiz dərəcəsinin daha yüksək olduğu üçün məğlub olan "Express Bank" bu günün qalib bankı titulunu rəqibi "Rabitə Bank"a qazandırır.

Xatırladaq ki, duelə çıxan banklar püşkatma yolu ilə müəyyənləşir.

Hər iki bankın lombard krediti üzrə şərtlərini sizə təqdim edirik:

Express Bank	Şərtlər	Rabitə Bank
300 – 15.000	Kreditin Məbləği	300 – 10.000
Manat	Valyuta	Manat
3 – 30 ay	Kreditin Müddəti	3 - 24 ay
26% - 36%	İllik Faiz Dərəcəsi	29% - 30%
10 Manat	Qiymətləndirmə Haqqı	10 Manat
1%	Komissiya Haqqı	1%
1%	Nağdlaşdırma Haqqı	1%