22.10.2018 Bank

0 0

Birlikdən "Kommersant.az"a verilən məlumata görə, şirkət barədə yazılan ümumi rəy, rəyin təsdiqlənib-təsdiqlənməməsi, qeyd olunan məsələnin həll edilməsi şirkətlərin reytinqinə təsir edən əsas amillər hesab olunur.

Hazırda mövcud reytinq cədvəlində 22 sığorta və təkrarsığorta şirkətinin adı qeyd olunub və cədvələ "A-Group Sığorta"8 balla liderlik etdiyi halda, sonuncu yerdə -9 balla "Standard İnsurance"qərarlaşıb. Reytinq cədvəlinin ilk dördlüyü belədir: "A-Group Sığorta", "Paşa Sığorta", "Xalq Sığorta", "Meqa Sığorta".

Həmçinin, 5-16-ci yerdəki şirkətlər barəsində ya hər hansı bir qeyd olmadığına görə, ya da qeyd olunan rəylər əsaslı sayılmadığı üçün onların balı 0 olaraq nəzərə alınıb. Bunlar: "Paşa Həyat Sığorta", "AzRe Təkrarsığorta", "Azərbaycan Sənaye Sığorta", "Axa Mbask Sığorta", "Amrah Sığorta", "Qala Sığorta", "Naxçıvan Sığorta", "Atəşgah Həyat Sığorta", "Bakı Sığorta", "Rəvan Sığorta", "Qala Həyat Sığorta" və "İpək Yolu Sığorta"dır.

Reytinq cədvəlində hal-hazırki nəticəsinə əsasən xidmət səviyyəsi 0 və -9 bal intervalında qiymətləndirilərək son altılığı formalaşdıran şirkətlər – "AzərSığorta", "Atəşgah Sığorta", "AzSığorta", "Günay Sığorta", "AtaSığorta" və "Standard İnsurance"dır.

Xatırladaq ki, reytinq cədvəli Birliyin yeni saytı istifadəyə verildikdən sonra burada qeyd edilən rəylər əsasında formalaşmışdır və bu reytinq cədvəli mütəmadi olaraq ictimaiyyətlə paylaşılacaq.

Reytinq cədvəlini aşağıda təqdim edirik: