MİDA ötən ili 1,5 mln. manata yaxın xalis mənfəətlə başa vurub
"Kommersant.Az" xəbər verir ki, bu, ötən il yanvarın 1-i ilə müqayisədə 10,5 dəfə çoxdur.
2017-ci ildə MİDA-nın cəmi öhdəlikləri 74% və yaxud 3,85 dəfə azalaraq 32 min manata, cəmi kapitalı isə dövlət büdcəsindən ayrılmış 100 mln. manat vəsaitin hesabına 10,65 dəfə artaraq 112,015 mln. manata çatıb.
Ötən il şirkətin əməliyyat gəlirləri 37 min manat (əvvəlki ilə nisbətən 2,7 dəfə çox), maliyyə gəlirləri 5,32 mln. manat (10,7 dəfə çox), inzibati və əməliyyat xərcləri 3,616 mln. manat (3,7 dəfə çox), mənfəət vergisi xərci isə 248 min manat (16,5 dəfə çox) təşkil edib. Son nəticədə MİDA 2017-ci ili 1,493 mln. manat xalis mənfəətlə başa vurub. Halbuki, şirkət 2016-cı ildən 478 min manat xalis zərərlə çıxmışdı.
Xatırladaq ki, “MİDA” MMC 11 aprel 2016-cı ildə yaradılıb, 17 may 2016-cı ildə Ədliyyə Nazirliyində dövlət qeydiyyatına alınıb. Onun nizamnamə kapitalı 10 mln. manatdır.
Digər xəbərlər
Prezidentin təməlini qoyduğu Eyvazxanbəyli kəndi belə olacaq - FOTOLAR
İlham Əliyev Qarabağ Universitetinin təmirdən sonra açılışında iştirak edib
Prezident İlham Əliyev Ağdam şəhərində “İmarət” stadionunun təməlini qoyub
