Nəsimi rayonunda inşaat işlərinə bu il 617 mln. manat xərclənib

Bu ilin yanvar-iyun aylarında Bakı şəhəri üzrə tikinti müəssisələri tərəfindən yerinə yetirilmiş inşaat işlərinin dəyəri 2,7 mlrd. manata yaxın olub ki, bu da ötən ilin müvafiq dövrü ilə müqayisədə 0,5% çoxdur.

"Kommersant.az" Bakı Şəhər Statistika İdarəsinə istinadla xəbər verir ki, ilin birinci yarısında tikinti müəssisələri tərəfindən yerinə yetirilmiş inşaat işlərinin 67,5%-i tikinti, yenidənqurma və genişləndirmə, 7,3%-i əsaslı təmir, 5,4%-i cari təmir, 19,8%-i isə sair tikinti işləri təşkil edib. Ümumi inşaat işlərinin 85,5%-ni qeyri-dövlət tikinti müəssisələri yerinə yetiriblər.

Məlumata əsasən, şəhər üzrə tikinti müəssisələri tərəfindən yerinə yetirilmiş inşaat işlərinin əsas hissəsi (616,6 mln. manat, 0,5%-lik azalma) Nəsimi rayonunun payına düşüb.

Bakıda tikinti müəssisələri tərəfindən yerinə yetirilmiş inşaat işlərinin dəyəri:

Cəmi, min manat	Əvvəlki ilin müvafiq dövrünə nisbətən, %
Bakı şəhəri – cəmi	2 688 526,0	100,5
o cümlədən rayonlar:
Binəqədi	290 744,9	162,8
Xətai	383 286,9	80,4
Xəzər	13 487,2	28,2
Qaradağ	140 760,2	181,9
Nərimanov	288 121,4	84,7
Nəsimi	616 581,1	99,5
Nizami	102 778,0	79,0
Sabunçu	110 200,1	138,6
Səbail	330 806,3	90,6
Suraxanı	59 168,4	2,2 dəfə
Yasamal	352 591,5	105,5