Gürcüstanın xarici ticarət dövriyyəsi azalıb

Bu ilin yanvar-iyul ayları ərzində Gürcüstanın xarici ticarət dövriyyəsi 7 065,3 milyon dollar təşkil edib.

"Kommersant.az" xəbər verir ki, bu barədə Gürcüstan Milli Statistika İdarəsinin hesabatında məlumat verilib.

Bildirilib ki, bu, 2018-ci ilin analoji dövrü ilə müqayisədə 0,2% azdır. Hesabata əsasən xarici ticarətdə ixrac 12,4% artaraq 2 102,2 milyon dollara çatıb. İdxal isə 4,7% azalaraq 4 963,1 milyon dollar təşkil edib.

Hesabat dövründə Gürcüstanın mənfi ticarət balansı 2 860,9 milyon dollar olub ki, bu da xarici ticarət dövriyyəsinin 40,5%-nə bərabər olub.

2019-cu ilin yanvar-iyul ayları ərzində Gürcüstanın on ölkəyə ixracı ümumi ixracın 72,7%-ni təşkil edib. Hesabat dövrü ərzində Gürcüstanın əsas ixrac tərəfdaşları Rusiya (303,8 milyon dollar), Azərbaycan (266,2 milyon dollar) və Ermənistan (181,2 milyon dollar) olub. (APA)

ixrac idxal gürcüstan Azərbaycan

Kommersant.az

Xəbərin müəllifi

Facebok Twitter LinkedIn

Əvvəlki
Azərbaycandan Rusiyaya 5 kiloqramdan artıq meyvə-tərəvəz aparmaq olmayacaq
Sonrakı
Azərbaycan ərəb ölkələrinə bal ixracı ilə bağlı danışıqlar aparır

Digər xəbərlər

24.01.2023 İqtisadiyyat