“Dellora”dan fırıldaq: "2600 ödədik, ancaq bizə köhnə mebel satdılar”

Bakı sakini Sona Həsənova "Dellora” mebel salonunun onlara köhnə mebel satdığını iddia edir.

"Kommersant.az" xəbər verir ki, müraciət edən şikayətçi bildirib ki, elana əsasən köhnə mebelini yeni mebellə əvəzləmək üçün şirkətə təqdim edib. Ancaq onlara yenidən köhnə mebel verilib:

"Ötən il sentyabrın 5-də öz köhnə mebelimi "Dellora" mağazalar şəbəkəsinə təhvil verdim. Mən işdə, həyat yoldaşım isə xəstəxanada olanda yeni mebeli qaynıma təhvil veriblər. O da fikir verməyib. Sonradan biz gördük ki, mebel köhnədir. Üzərində xeyli cızıqlar var. Mağaza işçilərinə dedik, gəlib baxdılar. Ancaq dəyişmirlər. 2600 manat pul ödəmişik, əvəzində köhnə mebel verildi".

Məsələylə bağlı şirkət nümayəndəsi Səbinə Mirzəyeva bildirilib ki, mebeldəki cızıqlar və qeyd onunan digər problemlər sonradan yaranıb:

"Mebeldə hər hansı bir problem yarandığı təqdirdə 14 gün ərzində dəyişmək və qaytarmaq mümkündür. Ancaq sözügedən şəxs bizə 3 ay sonra müraciət edib. Qeyd etdiyi bütün səbəblər sonradan yaranıb. Sadəcə bir detalında problem var, onu düzəltmək istəyirik, razı olmur".

Qafqazinfo

Kommersant.az

Xəbərin müəllifi

Facebok Twitter LinkedIn

Əvvəlki
Sürücülərə pis xəbər - QİYMƏTLƏR 2 DƏFƏ QALDIRILDI
Sonrakı
“Bank BTB”nin fərdi bank seyfləri üzrə 50%-dək ENDİRİM kampaniyası yanvarın 31-dək davam edəcək.