01.03.2019 İqtisadiyyat

0 0

"Kommersant.az"ın məlumatına görə, bunu şirkətin direktoru Leyla Məmmədova bildirib. Onun sözlərinə görə, "Kənddən Şəhərə" Novruz yarmarkası martın 2-dən etibarən Bakıda 4 ünvanda fəaliyyətə başlayacaqdır. Yarmarkalar həftə sonları və bayram ərəfəsində fəaliyyət göstərəcəkdir.

FERMERLƏRDƏN YER PULU ALINMAYACAQ

Leyla Məmmədova qeyd edib ki, yarmarkalar Bakı Şəhər İcra Hakimiyyəti ilə birlikdə keçirilir:

"Bizə müaraciət edən fermerlər yer pulu ödəmədən öz məhsullarını sata biləcəklər. Yer pulunun alınmaması qiymətlərin sərfəli olmasına zəmin yaradır. Çalışırıq ki, qiymətlər münasib olsun və insanlar bayram alış-verişlərini rahat etsinlər. Yarmarkalarda 200-dən artıq fermerin və yerli qida məhsuları istehsalçılarının iştirak edəcəyi gözlənilir".

Bu il Xəzər rayonunda fəaliyyət göstərən zeytun, göbələk, pomidor istehsalçıları yaramarkada aktiv iştirak edəcəklər.

Novruz yarmarkasının keçirələcəyi ünvanlar:

1. Səbail rayonu (Nizami küç. 154b)
2. Nizami rayonu (Qara Qarayev küç. 55/57 sayli binanın qarşısı, Orbita ticarət mərkəzinin dayanacağı)
3. Yasamal rayonu (Hüseyn Cavid prospekti, Elmlər Akademiyası parkı)
4. Xəzər rayonu (Maştağa, Buzovna yolu Abşeron küç.)