SOCAR və BP Türkiyədə 1,8 milyard dollarlıq layihə reallaşdıracaq

SOCAR ilə BP-nin birgə Türkiyədə inşa etməyi planlaşdırdığı yeni neft-kimya müəssisəsinin təməli bu ilin sonu və ya 2020-ci ildə qoyulacaq.

"Anadolu" agentliyi xəbər verir ki, bu barədə SOCAR-ın Sərmayələr İdarəsinin rəisi, "SOCAR Turkey"in direktorlar şurasının sədri Vaqif Əliyev deyib.

Məlumatda bildirilir ki, o qeyd edib ki, təqribən 1,8 milyard dollar investisiya dəyəri olan bu layihə Türkiyədəki digər layihələrimiz kimi önəmlidir. Müəssisə istismara verildiyi zaman Türkiyənin illik təxminən 1 milyon tonluq təmizlənmiş tereftal turşusu (PTA) idxalı sıfıra enəcək. Paraksilol (PX) məhsulları üzrə idxal edilən 800 min tonluq məhsul isə Türkiyədə istehsal ediləcək. Yeni zavodun 2023-cü ildə istifadəyə verilməsi gözlənilir.

Xatırladaq ki, ötən il dekabrın 20-də BP və "SOCAR Turkey" (STEAŞ) Türkiyədə dünya miqyaslı neft-kimya kompleksinin tikilməsi və onun idarəçiliyinin həyata keçirilməsi üçün birgə müəssisə yaradılması planlarının dəyərləndirilməsinə dair saziş prinsiplərini imzalayıblar.

Fins.az

dollar türkiyə socar investor

Kommersant.az

Xəbərin müəllifi

Facebok Twitter LinkedIn

Əvvəlki
Azərbaycan və Türkiyə pambıqçılıq sahəsində əməkdaşlıq edəcək
Sonrakı
Rövnəq Abdullayev ilə “Petronas” prezidenti arasında əməkdaşlığın müzakirə edilib

Digər xəbərlər

25.11.2024 İqtisadiyyat