Azərbaycanda balıqartırma zavodu investisiya müsabiqəsinə çıxarılıb
ƏMDK-dan "Kommersant.Az"a verilən məlumata görə, müəssisə "Dövlət əmlakının özəlləşdirilməsinin II Dövlət Proqramı"na və ölkə prezidentinin 17 iyul 2001-ci il tarixli fərmanı ilə təsdiq edilmiş "İnvestisiya müsabiqəsinin keçirilməsi Qaydaları"na uyğun olaraq müsabiqəyə çıxarılıb.
Müsabiqədə yerli hüquqi və fiziki şəxsləri ilə yanaşı, xarici investorlar da iştirak edə bilərlər. İddiaçılar müəssisənin fəaliyyət sahəsinin genişləndirilməsi və əlavə istehsal (xidmət) sahələrinin yaradılması üzrə ümumi dəyəri azı 3 mln. manat olan investisiya proqramı təqdim etməli, dövlət büdcəsinə azı 750 min manat ödəməlidir. Qalib investor isə azı 20 yeni iş yeri yaratmalıdır.
Səhmdar cəmiyyətinin özəlləşdirmə planı (emissiya prospekti) ilə tanış olmaq, investisiya müsabiqəsi haqqında əlavə məlumat əldə etmək, ərizə və təklifləri təqdim etmək üçün iyulun 2-nə qədər, hər gün saat 10:00-dan 17:30-a qədər ƏMDK-ya müraciət etmək olar. Təkliflərə iyulun 4-də, saat 15:00-dan başlayaraq baxılacaq.
Xatırladaq ki, nərəkimilərin və çəkikimilərin (çəki, kütüm və sair) artırılması və dəniz hövzəsinə buraxılması müəssisəsi olan S.Q.Kərimov adına Kür-Təcrübi Nərə Balıqartırma Zavodu Neftçala rayonunun Yenikənd ərazisində yerləşir. Onun 41 işçisi var.
Digər xəbərlər
AMB hüquqi şəxslərin depozitlərinin 1 ayda 1.8 mlrd. manatdan çox azalmasının səbəbini açıqlayıb
