"Azza" 99 baş südlük inək aldı
04.06.2018
İqtisadiyyat
0
0
İsmayıllı rayonunun Keyvəndi kəndində “Azza-aqro” şirkəti tərəfindən tikilən 1500 başlıq müasir heyvandarlıq kompleksinə “Aqrolizinq” ASC-nin xətti ilə Almaniyadan holşteyn-friz cinsindən olan 99 baş südlük inək gətirilib.
"Kommersant" xəbər verir ki, rayon kənd təsərrüfatı idarəsindən bildirilib ki, kompleksə daha 200 baş heyvanın gətirilməsi planlaşdırılır.
Gətirilən inəklərdən qan nümunəsi alınaraq bruselyoz xəstəliyinə görə seroloji müayinə və dabaq xəstəliyinin A-0-Asiya-1 tiplərinə qarşı profilaktik peyvənd aparılıb.
Qeyd edək ki, heyvandarlıq kompleksinin inşasının birinci mərhələsi başa çatıb. İlk mərhələdə 300 başlıq tövlələrdən biri istifadəyə verilib. İstifadəyə verilən, hazırda gətirilən inəklərin saxlandığı tövlədə, habelə sağım və doğum məntəqələrində bütün lazımi avadanlıqlar quraşdırılıb. Buzovların saxlanması üçün beton örtüklü meydançanın inşası da başa çatdırılıb. Kompleksdə, habelə yem emalı üçün avadanlıqlar da quraşdırılıb. (marja)
Digər xəbərlər
20.12.2024
İqtisadiyyat
AMB hüquqi şəxslərin depozitlərinin 1 ayda 1.8 mlrd. manatdan çox azalmasının səbəbini açıqlayıb
0
0
