Nazir müavini: “Koronavirusa görə işləməyənlərin maaşları ödəniləcək” - VİDEO
300 min nəfər muzdlu işçinin (əmək müqaviləsi olan) əmək haqlarının müəyyən hissəsinin ödənilməsi üçün sahibkarlara dövlət tərəfindən 215 milyon manat həcmində maliyyə dəstəyi göstəriləcək.
Bunu REAL TV-yə müsahibəsində İqtisadiyyat nazirinin müavini Sahib Məmmədov bildirib.
Sahib Məmmədov orta aylıq əmək haqqıdan (712 manat) az alanların maaşlarının tam şəkildə ödənəcəyini bildirirək: "712 manatdan çox olanlara isə orta aylıq əmək haqqı veriləcək", – sözlərini işlədib.
Qeydiyyatda olan bütün vergi ödəyicilərinə "Pandemiya ilə bağlı maliyyə dəstəyi proqramı" barədə onların şəxsi elektron kabinetinə bildirişlər və mobil telefonlarına SMS-lər göndəriləcək.
Mikro və fərdi sahibkarlara gəldikdə isə 300 min fərdi sahibkara dövlət tərəfindən 80 milyon manat həcmində maliyyə dəstəyi ayrılıb. Bu maliyyə yardımı 2019-cu ildə vergilərini, məcburi dövlət sosial sığorta haqlarını və işsizlikdən sığorta haqlarını ödəmiş vergi ödəyicilərinə şamil edilir.
Digər xəbərlər
Ötən il dəyəri 32 milyon manata yaxın olan əmlak üzərinə həbs qoyulub - İdarə rəisi
Macarıstanın gömrük və vergi administrasiyasının nümayəndələri Bakıya gələcək
