Gömrük, rəsmiləşdirməyə sərf edilən vaxtı minimuma endirməyi planlaşdırır
13.06.2018
İqtisadiyyat
0
0
Dövlət Gömrük Komitəsi (DGK) qanunvericilikdə gömrük prosedurlarının sadələşdirilməsini nəzərdə tutan düzəlişlər hazırlayır. Bunu komitənin Hüquqi təminat şöbəsinin müdiri Sənan Muxtarov deyib.
"Təkliflər müzakirə mərhələsindədir və daha sonra rəhbərliyə təqdim olunacaq", - deyə o, bu gün jurnalistlər üçün "Azərbaycan Gömrüyü: bu gün və sabahın çağırışları" mövzusunda seminarda bildirib.
Şöbə müdirinin sözlərinə görə, düzəlişlər gömrük prosedurlarının sadələşdirilməsini və gömrük orqanlarının potensialının artırılmasını nəzərdə tutur.
"Gömrük prosedurlarının sadələşdirilməsi gömrük bəyannaməsinin tərtib edilməsi zamanı tələb olunan sənədlərin minimuma endirilməsinə kömək edəcək", - deyə S.Muxtarov əlavə edib.
İnterfaks-Azərbaycan
Digər xəbərlər
23.12.2024
İqtisadiyyat
Dövlət büdcəsinə qənaət edilmiş məbləğ 559,7 milyon manat təşkil edib - Xidmət rəisi
0
0
