Pandemiyadan sonra istirahət necə dəyişib?

Britaniyalı turist pandemiyadan sonra İtaliyada istirahətin necə dəyişdiyindən danışıb.

"Kommersant.az" xəbər verir ki, turist Saşa Sallivan tətilini Kapri adasında keçirmək qərarına gəlib.

O, uçuşların sayının az olmasını, sosial məsafəni gözləməyin zəruriliyi səbəbindən hava limanında uzun növbələrin olmasını və bütün ictimai yerlərdə temperaturun mütəmadi olaraq yoxlanıldığını qeyd edib.

Hoteldəki restoranın ofisiantı qadına deyib ki, hotel yalnız 20 faiz dolu olub, baxmayaraq ki, adətən bu fəsildə otaqların 95 faizi tutulur.

O əlavə edib ki, italiyalıların bir çoxu qaydalara riayət etmir - onlar görüş vaxtı qucaqlaşmadan və əl sıxmadan imtina etməyiblər, böyük qruplarla gəzirlər, sosial məsafə normalarına riayət etmirlər və maskaları burunlarının aşağısına çəkirlər.

Restoranlarda ziyarətçilərin sayı azdır, onların hamısının temperaturu ölçülür və yaşayış yeri haqqında məlumat yazılır. Turistlərin koronavirusa yoluxmuş insanlarla təmasda olduğu aşkar edilərsə, karantinə ehtiyacı olan insanların dairəsini müəyyən edə bilər.
Saşa Sallivan deyir ki, mağazadakı satıcılar alıcıları qarşılayarkən maska geyinir, lakin fasilələrdə maska olmadan bir-biri ilə ünsiyyət qururlar.

Çimərliyə ziyarəti əvvəlcədən sifariş etmək lazımdır. Bu ona görə edilib ki, sahildə eyni zamanda istirahət edənlərin sayı az olsun.

Həmçinin, səyyahın sözlərinə görə, kurortdakı insanların əksəriyyəti dezinfeksiyaedici vasitələrdən istifadə edir və bunu çox tez-tez edirlər: sanitayzerlər mağazalara, restoranlara, barlara, hotellərə, apteklərə və dövlət müəssisələrinə girişdə yerləşdirilib.