.jpg)
.jpg)
"Tri koronı"nın yaxınlığındakı gölün qurudulması işi yenidən başladı - VİDEO
"Kommersant.az"-ın xəbərinə görə, bu haqda həmin ərazidə yaşayan sakinlər məlumat verib. Xəbərdə bildirilir ki, bu gün səhər saatlarından ərazidə yenidən ağır texnika ilə iş başlayıb.
Sakinlər bildirib ki, ölkədə su böhranının yarandığı bir vaxtda gölün qurudulması böhranı daha da dərinləşdirməyə xidmət etməkdir.
Xatırladaq ki, bir neçə gün əvvəl də həmin gölün qurudulması işi başlamışdı. Məsələ ilə bağlı Ekologiya və Təbii Sərvətlər Nazirliyinə edilən şikayətdən sonra nazirliyin tələbi ilə ərazidə tikinti işləri dayandırılmışdı.
Maraqlıdır ki, iyulun 19-da Yasamal rayon İcra Hakimiyyəti "Tri Korona" kimi tanınan binaların yaxınlığında heç bir tikinti işləri aparılmadığı haqda xüsusi açıqlama yaymışdı: "Ərazi abadlaşdırılır, tullantılardan təmizlənir. Bəzi media orqanlarında iddia olunduğu kimi heç bir inşaat yoxdur, göl qurudulmur".Yenisabah
Digər xəbərlər
Azərbaycanda e-ticarət bazarının bu il 2 milyard dollara çatacağı gözlənilir
