Süleyman Kərimovun ailəsi "Forbes Russia"nın ilk pilləsində qərarlaşdı

"Forbes Russia" ən zəngin rusiyalı iş adamlarının reytinqini açıqlayıb.

"Kommersant.az" "Forbes Real Time"a istinadən xəbər verir ki, ilk dəfə olaraq birinci pillədə qızılçıxarma ilə məşğul olan "Polyus" kompaniyasının sahibi - Süleyman Kərimovun ailəsi qərarlaşıb.

Gün ərzində Kərimovun ailəsinin var-dövləti 1,7 milyard ABŞ dolları artaraq 24,8 milyard dollara çatıb.

Kərimovun ailəsinin var-dövlətinin əsasını "Polyus"un aksiyaları təşkil edir. Şirkətin əsas benefisiarı Süleyman Kərimovun oğlu Səiddir (səhmlərin 76,84%-i). Səid Kərimovun "Polyus"dakı bütün paketi hazırda 25,6 milyard dollar qiymətləndirilir.

S.Kərimov 1966-cı ildə Dərbənddə anadan olub, milliyətcə ləzgidir

Reytinqin ikinci pilləsində "Nornikel" şirkətinin rəhbəri və benefisiarı Vladimir Potanin yer alıb (24,6 milyard dollar). İlk üçlüyün sonuncusu Direktorlar Şurasının sədri və "NLMK" qrupunun əsas səhmdarı Vladimir Lisin olub (21,9 milyard dollar).

Kommersant.az

Xəbərin müəllifi

Facebok Twitter LinkedIn

Əvvəlki
Peşə təhsili üzrə imtahanın keçirilmə qaydası müəyyənləşdi
Sonrakı
Sahibkarlara icarə haqları 9 ay müddətində hesablanmayacaq - RƏSMİ

Digər xəbərlər

29.11.2024 İqtisadiyyat