Gürcüstan Azərbaycandan yanacaq idxalını azaldıb

Ötən ay Gürcüstan Azərbaycandan 15,9 min ton benzin və dizel yanacağı idxal edib.

"Kommersant"ın yerli bürosunun Gürcüstanın Neft Məhsulları İdxalçıları Birliyinə istinadla verdiyi xəbərə görə, bu həcm aprel ayı ilə müqayisədə 5 min ton azdır.

May ayında qonşu ölkənin idxal etdiyi benzin və dizel yanacağının 15,9%-i Azərbaycanın payına düşüb.

Ötən ay Gürcüstan ümumilikdə 101,1 min ton benzin və dizel yanacağı idxal edib ki, bu da aprel ayı ilə müqayisədə 12,8 min ton çoxdur. İdxal olunmuş neft məhsullarının 43,1 min tonu benzin, 57 min tonu isə dizel yanacağı olub.

May ayında Gürcüstan Azərbaycanla yanaşı, ən çox Rumıniya (27,3 min ton), Rusiya (25,8 min ton), Türkmənistan (19 min ton), Yunanıstan (6,1 min ton) və Bolqarıstandan (5,9 min ton) neft məhsulları idxal edib.

Kommersant.az

Xəbərin müəllifi

Facebok Twitter LinkedIn

Əvvəlki
1,5 litr içki və 200 ədəd siqaret rüsumsuz olacaq - QANUN DƏYİŞİR
Sonrakı
Trampın 50 milyard dollarlıq Çin idxalına gömrük vergisini təsdiq etdiyi bildirilir

Digər xəbərlər

14.03.2025 İqtisadiyyat