ABŞ Senatının 55 üzvü Trampın impiçmentini qəbul etdi

ABŞ senatorları keçmiş prezident Donald Trampla əlaqədar prosesin Konstitusiyaya zidd olmasına dair müdafiə dəlillərini rədd edərək sabiq dövlət başçısının impiçmenti məsələsini qəbul etməyə razı olublar.

"Kommersant.az" xəbər verir ki, bu barədə "Associated Press" məlumat yayıb.

Səsvermənin nəticəsinə əsasən 56 senator eks-prezidentin impiçmentini konstitusion proses adlandırıb, Senatın 44 üzvü bunun əleyhinə çıxıb. Sənədin lehinə səs verənlər arasında Trampın üzvü olduğu Respublikaçılar Partiyasının altı nümayəndəsi də var. Bunlar Bill Kessidi, Syuzan Kollinz, Liza Murkovski, Mitt Romni, Ben Sasse və Pet Tumidir.

Ötən ayın sonunda respublikaçı senator Rend Pol artıq bu məsələ ilə bağlı səsvermə təşəbbüsü ilə çıxış edib. Həmin vaxt 55 senator impiçmenti qanuni proses kimi tanıyıblar. Onlar arasında beş respublikaçı da vardı. Senatorlardan 45-i impiçmenti qanunsuz elan edib.

Daha əvvəl ABŞ Konqresi Senatındakı demokrat çoxluğun və respublikaçı azlığın liderləri - Çak Şumer (Nyu-York ştatından) və Mitç Makkonnell (Kentukki ştatından) qanunverici orqanın yuxarı palatasında Donald Trampın impiçmenti prosedurunun keçirilməsi formatı üzrə razılığa nail olublar.

Tramp yanvarın 6-da Vaşinqtonda baş verən qarışıqlıqlara təhrikçilikdə ittiham edilir.

report