.jpg)
.jpg)
ASA ilə Aqrar Sığorta Fondu memorandum imzaladı
"Kommersant.az"ın ASA-ya istinadən verdiyi məlumata görə, iki qurum arasında keçirilən görüşdə növbəti mərhələdə birlikdə həyata keçirilməsi nəzərdə tutulan layihələr müzakirə edilib.
ASA-nın İcraçı direktoru Elmar Mirsalayev bu əməkdaşlığın əhəmiyyətini yüksək qiymətləndirərək, bunun növbəti mərhələdə sektorun inkişafı ilə bağlı prioritetlərin birgə realizə olunmasına təkan verəcəyini bildirib. İcraçı direktor onu da vurğuladı ki, sığorta sektoruna aid olan bütün qurumların imkanlarını vahid istiqamətdə dəyərləndirilmək və bununla da bazarın inkişaf dinamikasına təkan vermək ASA-nın başlıca prioritetidir.
ASF-in İdarə heyətinin sədri Fuad Sadıqov da öz növbəsində əldə olunmuş anlaşmanın ölkədə yeni tətbiq edilməkdə olan aqrar sığorta mexanizminin inkişafını, mövcud və potensial sığortaolunan kontingentində aqrar sığorta vərdişlərinin formalaşmasını stimullaşdıracağına əminliyini qeyd edib.
Görüşün sonunda iki qurum arasında həm aqrar sığorta xidmətlərinin, həm də ümumilikdə yerli sığorta bazarının inkişafına hədəflənən qarşılıqlı əməkdaşlığa dair memorandum imzalanıb.
Digər xəbərlər
Azərbaycanda e-ticarət bazarının bu il 2 milyard dollara çatacağı gözlənilir
Milli Məclisdə müəllimlərin maaşlarının artırılması ilə bağlı təklif verildi
Azərbaycan kənd təsərrüfatı məhsullarının ixracından gəlirini 11 % artırıb
