Türkiyədə inflyasiya 20 illik maksimumda - Lirə məzənnəsi təzyiq altında
"Kommersant.az" xəbər verir ki, bu da son 20 ilin maksimumudur.
2005-ci ilin mayında Türkiyədə inflyasiya həddi 52.7% idi.
Ölkədə sonuncu dəfə inflyasiya həddi dekabrda orta illik 36.08% idi. Yanvar üzrə orta illik inflyasiyanın isə 46.68% olacağı proqnoz edilirdi.
İndi əsas məsələ yenə də Türkiyə Mərkəzi Bankının üzərinə düşür. Çünki milli valyutanın dəyərdən düşməsi və inflyasiyanın cilavlanması üçün faizlərlə bağlı ciddi düşünmək məcburiyyətindədir. 2021-ci ilin sentyabrından sonra atılan addımları – faizləri endirməyi davam edərsə lirənin məzənnəsinin düşməsi üçün ciddi təzyiqlər yaradacaq.
Türkiyə Mərkəzi Bankı 2021-ci ilin son rübündə üç dəfə faiz endirimi qərarına gəldi. Baxmayaraq ki, ölkədə inflyasiya 20% üzərində idi, uçot faiz dərəcəsi 19%-dən 14%-ə qədər endirilmişdi. Hökumət həmin dövrdə “yüksək faiz, yüksək inflyasiya” devizi ilə faizləri endirdilər. Nəticədə, USD/TRY cütlüyü 9 səviyyəsindən 18 səviyyəsinə qədər dəyər itirdi. Sonradan hökumətin lirədə olan depozitlərlə bağlı təklif etditiyi bəzi qərarlar lirənin məzənnəsini bir qədər “sakit limana” çəkdi, məzənnə 13-14 diapazonunda hərəkət etməyə başladı.
Hazırda isə bu xəbərin ardından USD/TRY cütlüyünün məzənnəsi 0.49% artımla 13.5317 səviyyələrinə yüksəlib.
Digər xəbərlər
AMB hüquqi şəxslərin depozitlərinin 1 ayda 1.8 mlrd. manatdan çox azalmasının səbəbini açıqlayıb
