.jpg)
.jpg)
2023-cü ildə ABŞ ÜDM-in artımı cəmi 0,4% olacaq - BMT
Kommersant.az xəbər verir ki, bu barədə BMT-nin İqtisadi və Sosial Məsələlər Departamentinin “Dünyada iqtisadi vəziyyət və onun 2023-cü ildə inkişaf proqnozları” hesabatında deyilir.
"ABŞ, Aİ və digər qabaqcıl iqtisadiyyatlarda iqtisadi artım tendensiyası səngiyib və dünyanın qalan hissəsinə mənfi təsir edib. Mövcud proqnozlara görə, 2023-cü ildə ABŞ ÜDM-i cəmi 0,4% artacaq, halbuki 2022-ci ildə artım 1,8% təşkil edib. Faiz dərəcələrinin artması, real gəlirlərin azalması və ev təsərrüfatlarının ümumi iqtisadi potensialının əhəmiyyətli dərəcədə azalması səbəbindən istehlakın azalması gözlənilir", - deyə hesabatda bildirilir.
Hesabatda həmçinin qeyd edilir ki, “ipoteka faizlərinin artması və tikinti xərcləri mənzil bazarına ağır təsir göstərməkdə davam edəcək, bu səbəbdən yaşayış daşınmaz əmlakına uzunmüddətli investisiyaların daha da azalması gözlənilir”.
Aİ ölkələrində iqtisadi artım, BMT-nin proqnozuna görə, 2023-cü ildə cəmi 0,2% olacaq ki, bu da dünya təşkilatının hesablamalarına görə 3,3% təşkil edən 2022-ci ildəki artımdan əhəmiyyətli dərəcədə aşağıdır.
Digər xəbərlər
Gələn il transfertsiz büdcə gəlirləri 23,8 milyard manat proqnozlaşdırılır
2026-2028-ci illərdə neftin bir barelinin qiymətinin 65 dollar olacağı proqnozlaşdırılır
Azərbaycanın hərbi potensialının gücləndirilməsinə gələn ilin dövlət büdcəsindən 8,4 milyard manat ayrılacaq
Nazir: “Azərbaycan iqtisadiyyatının neft-qaz sektorundan asılılığı əhəmiyyətli dərəcədə azalıb”
