Azərkosmosun ümumi gəliri açıqlanıb
10.02.2023
İqtisadiyyat
24
0
"Azərkosmos" ASC-nin 2013-cü ildən indiyədək ümumi gəliri 500 milyon manat təşkil edib.
Kommersant.az-ın məlumatına görə, bu barədə "Azərkosmos" ASC-nin sədr müavini Dunay Bədirxanov Azerspace-1 peykinin orbitə buraxılmasının 10-cu ildönümünə həsr olunmuş mediatur zamanı deyib.
Onun sözlərinə görə, gəlirlərin 90 faizi xidmət ixracından əldə edilib.
"Bu gün "Azərkosmos" 42 ölkədə 182 yerli və beynəlxalq müştəriyə xidmət göstərir", - o deyib.
Sədr müavininin bildirdiyinə görə, yaxın illərdə peyk resursları hesabına gəlirlərdəki artım dinamikasını qoruyub saxlamaq planlaşdırılır.
Xatırladaq ki, 2022-ci ilin yekunlarına görə, "Azərkosmos" ASC peyk və telekommunikasiya xidmətlərinin satışından 26,6 milyon dollar gəlir əldə edib.
Digər xəbərlər
