ABŞ-da işsizlik maaşı ilə bağlı müraciət gözləntilərin altındadır

ABŞ-da işsizlik müavinəti üçün ilk dəfə müraciət edənlərin sayı gözləntilərin altına, 192 minə düşüb.

ABŞ Əmək Departamenti həftəlik işsizlik müraciətləri ilə bağlı məlumat açıqlayıb. Buna görə ölkədə ilk dəfə işsizlik müavinəti üçün müraciət edənlərin sayı ötən həftə əvvəlki həftəyə görə 3 min azalaraq 192 minə düşüb.

Bazar gözləntilərinin altında olan işsizlik müavinəti müraciətlərinin bu dövrdə 200 min səviyyəsində reallaşması gözlənilirdi.

Qeyd edək ki, əvvəlki həftəki işsizlik müavinəti müraciətləri 194 mindən 195 minə revizə edilmişdi.

Keçən həftə etibarilə 4 həftəlik orta işsizlik müavinəti müraciətləri əvvəlki həftəyə görə 1500 nəfər artaraq 191.250 nəfərə çatıb.

Analitiklər bildirib ki, işsizlik müavinəti üçün müraciətlərə dair məlumatlar ölkədə əmək bazarının gərgin olaraq qaldığını göstərir ki, bu da işəgötürənləri yeni işçilər tapmaq və ya mövcud işçiləri saxlamaq üçün maaşları artırmağa məcbur edə bilər. Bu isə öz növbəsində inflyasiya təzyiqini daha da artırar.

amerika maaş