“Metropoliten ancaq qiymət artımı ilə bağlı çalışa bilir” - Natiq Cəfərli
"Kommersant.az" xəbər verir ki, iqtisadçı-ekspert Natiq Cəfərli Bakı Metropolteninin dövlətdən dotasiya almasının səbəblərindən danışıb.
Ekspertin sözlərinə görə, israrla tələblərə, ictimai çıxışlara baxmayaraq, Metropoliten rəhbərliyi bu günə qədər xərclərin hansı parametrlərlə, necə hesablanması barədə heç bir açıqlama verməyib:
"Onlar bu gün də bir sərnişinin daşınmasının neçəyə başa gəldiyini demirlər. Buna görə də konkret fikir söyləmək çətindir”.
Natiq Cəfərli bildirib ki, Metropoliten bir sərnişinin daşınmasının maya dəyərinin 55, pandemiya zamanı hətta 90 qəpik kimi göstərirdi:
"Onlar əvvəlcə bu qiyməti necə hesabladıqlarını açıqlamalıdırlar. Bundan sonra xərclərin azaldılması və optimallaşdırılması, Metropolitenin gəlirlə işləməsi ilə bağlı hansısa fikir söyləmək olar. Yəni əsas problem xərclərin gizli saxlanılmasıdır. Onlar normal açıqlama versə, biz də mütəxəssis olaraq normal şəkildə hesablayıb, nəyin doğru, nəyin yalnış edildiyini, xərclərin necə azaldılmalı olduğunu söyləyə bilərik. Çünki xərclərin azaldılması yolu ilə də rentabellik çalışmaq mümkündür. Metropoliten ancaq qiymət artımı ilə rentabellik çalışmağın mümkünlüyündən danışır. Bu yalnış siyasətdir".
Qeyd edək ki, Bakı Metropoliteni 2022-ci il ərzində ümumilikdə 208 milyon 696 min 44 sərnişin daşınıb. Bunun 202 milyon 499 min 638 nəfəri ödənişli sərnişinlər olub. İl ərzində orta hesabla gündəlik sərnişindaşıma 571 min 770 nəfər təşkil edib. Bununla pandemiya dövründə son 3 ilin ən yüksək göstəricilərinə çatsa da, metro tarixinin ən çox sərnişin daşınan ilindən, 2019-dan (236 milyon 681 min 650) aşağı olub.
Digər xəbərlər
Bayden Administrasiyası Rusiyaya qarşı yeni enerji sanksiyaları hazırlayır
ABŞ-ın böyük bankları Fed-in illik stress testləri ilə bağlı məhkəməyə verir
