07.03.2023 İqtisadiyyat

14 0

Kommersant.az xəbər verir ki, bunu iqtisadçı Akif Nəsirli son günlər Türkiyədə gedən siyasi proseslər fonunda lirənin yenidən ucuzlaşmasından danışarkən deyib.

İqtisadçı qeyd edib ki, lirənin bir qədər ucuzlaşması, bahalaşması, müəyyən tərəddüdlər mümkündür. Amma hər hansı bir sıçrayışlı dəyişiklik seçkiyə qədər gözlənilmir:

"Seçkidən sonra əgər hakimiyyətdə komanda dəyişikliyi baş versə, başqa qüvvələr vəzifə başına gələ bilsə, o zaman artıq Türkiyədə iqtisadi siyasət kursunun dəyişməsini gözləmək olar”.

Akif Nəsirli bildirib ki, Ərdoğan hakimiyyətinin hazırda yürüdülən kursu dəyişmək imkanları artıq yoxdur:

“Çünki seçki yaxınlaşıb, seçkiyə qədər də heç nə etmək mümkün deyil. Buna görə də elə bir ciddi dəyişlik gözlənilmir”.

"Bəs seçkidən sonra iqtisadi kursda nə dəyişiklik ola bilər və lirə yenidən bahalaşa bilərmi" sualına cavab olaraq Akif Nəsirli bildirb ki, Ərdoğan hökuməti son 5-6 ildə Türkiyə iqtisadiyyatını siyasətə qurban verib, siyasi hakimiyyət iqtisadi siyasəti diqtə edən tərəf olub:

"Ərdoğanın ötən illərdə Mərkəzi Bankın rəhbərlərini tez-tez dəyişməsi, digər proseslərin gedişi, iqtisadi proseslərdə müstəqil söz demək istəyən fiqurların mütəmadi olaraq dəyişdirilməsi onu gösətrdi ki, prezident iqtisadi siyasət komandasına nələrisə diqtə edir, onlar isə öz iqtisadi potensialını itirməmək üçün onunla razılaşmır. Ərdoğan da bu səbəbdən onları kənarlaşdırır. Bütün bu problemlər də lirənin kəskin ucuzlaşmasına gətirib çıxartdı".

İqtisadçı onu da əlavə edib ki, yeni komanda hakimiyyətə gələcəyi tədqirdə, iqtisadi kursu dəyişmək məcburiyyətində olacaq:

“Bu zaman iqtisadi siyasəti yürüdən şəxslərə bir az müstəqillik veriləcək ki, ölkə iqtisdiyyatını vəziyyətdən çıxarsın. Bu istiqamətləri seçki kampaniyasında iştirak etmək istəyən namizədlər öz platformalarında elan edirlər. Bu inandırıcı və ağlabatan məsələdir. Türkiyənin Ərdoğan komandası ilə vidalaşması ölkə iqtisadiyyatına böyük töhvə verəcək”.